20/02/2014 01:04:09

Schumacher, familja: 'Michael është një luftëtar dhe nuk dorëzohet'

Një mesazh në sitin e kampjonit gjerman falenderon të gjithë për mbështetjen: 'Na jepni forcë neve dhe atij'

HermesNews - "Jemi thellësisht të prekur nga të gjithë mesazhet që vijnë nga e gjithë bota për Michael dhe që akoma vazhdojnë të mbërrijne". Falë një mesazhi publikuar në sitin zyrtarë të Schumacher, familja e kampionit gjerman falenderon akoma edhe njëherë të gjithë tifozat për mbështetjen e madhe. "Kjo mbështetje e madhe - lexohet akoma - i jep forcë atij si dhe neve. E dimë të gjithë që Michael është një luftëtar e nuk do dorëzohet".

Vetëm para disa ditësh nga spitali i Grenoble, ku Schumi ndodhet i shtruar tashmë që nga 29 dhjetori i kaluar pas incidentit që i ndodhi duke bërë ski në Meribel, zëdhënësja e ish kampjonit të F1, Sabine Kehm, kishte shprehur gjithë besimin e familjes në shërimin e Schumit.

"Familja ka besim të plotë në ekipin mjekësor, tek infermierët dhe para doktorët. E rëndësishme nuk është shpejtësia e proçesit, por që të ecet përpara në mënyrë të vazhdushme dhe të kontrolluar". Na ndiqni dhe në Facebook dhe Twitter

Arbër Meçenovi

Dërgo me email | Stampo artikullin